EAR SHYOGWE YIBUTSE ABAZIZE JENOSIDE YAKOREWE ABATUTSI MURI MATA 1994 BAGUYE AHAHOZE IBIRO BYAYO (I SHYOGWE)
- By Joseph Sehorana
- On 11/06/2023 at 22:41
- 0 comments
Uyu munsi tariki ya 10/06/2023, Diyoseze ya Shyogwe yibutse abazize Jenoside yakorewe Abatutsi muri Mata 1994 baguye ahahoze ibiro byayo (i Shyogwe). Uwo muhango wabereye mu Kagali ka Mubuga, Umurenge wa Shyogwe, Akarere ka Muhanga, Intara y’Amajyepfo.
Waranzwe n’amasengesho; Gufata umunota wo kwibuka; Indirimbo zo kwibuka; Ikiganiro ku nsanganyamatsiko “Twibuke Twiyubaka”; Ubuhamya bw’uwarokokeye i Shyogwe; Amagambo atandukanye; hari iryavuzwe n’uwaje ahagarariye Ibuka mu Karere ka Muhanga, iryavuzwe n’uhagarariye imiryango ifite abantu bashyinguye mu mva iri i Shyogwe ahahoze icyicaro cya Diyoseze, Ijambo rya Nyiricyubahiro Musenyeri wa Shyogwe, n’ijambo rya Nyakubahwa Mayor wa Muhanga wari n’umushyitsi mukuru. Ku musozo w’uwo muhango habayeho kuremera uwacitse ku icumu rya Jenoside yakorewe Abatutsi muri Mata 1994 utishoboye ukomoka mu Murenge wa Nyarusange mu Karere ka Muhanga, no gushyira indabo ku mva ishyinguyemo imibiri ya bamwe mu baguye i Shyogwe.
Umuhango wo kwibuka witabiriwe na Nyakubahwa PS muri MINALOC; Nyakubahwa Mayor wa Muhanga; Nyiricyubahiro Musenyeri wa EAR Shyogwe; abahagarariye inzego z’umutekano; Abahagarariye Ibuka; Abapasitori n’Abakristo ba EAR Shyogwe; Abahagarariye amatorero atandukanye; n’abandi.
Igikorwa cyo kwibuka cyagenze neza.
Arch. SEHORANA Joseph
Umuyobozi wa Paruwasi ya Shyogwe
Add a comment