DIYOSEZE YA SHYOGWE YASHOJE UBUKANGURAMBAGA BUGAMIJE GUKUMIRA INDA ZITERWA ABANGAVU, KURWANYA IBIYOBYABWENGE, N’ICURUZWA RY’ABANTU
- By Joseph Sehorana
- On 30/08/2022 at 21:14
- 0 comments
Mu rwego rwo gukumira inda ziterwa abangavu, kurwanya ibiyobyabwenge, n’icuruzwa ry’abantu, EAR Diyosezi ya Shyogwe yateguye ubukangurambaga bwakozwe binyuze mu marushanwa y’umupira w'amaguru yahuje urubyiruko rwo muri paruwasi zitandukanye.
Ni muri urwo rwego, uyu munsi, tariki ya 30 Kanama 2022, habaye imikino ya nyuma (final). Mu bahungu, Ubucidikoni bwa Hanika bwahuye n’Ubucidikoni bwa Nyarugenge; naho mu bakobwa Ubucidikoni bwa Gitarama buhura n’Ubucidikoni bwa Shyogwe. Iyo mikino yabereye ku kibuga cya GS Shyogwe (giherereye mu Murenge wa Shyogwe, Akarere ka Muhanga). Mu bahungu umukino warangiye Ubucidikoni bwa Nyarugenge butsinze Ubucidikoni bwa Hanika ibitego bibiri (2) kuri kimwe ; naho mu bakobwa Ubucidikoni bwa Shyogwe butsinda Ubucidikoni bwa Gitarama ibitego bitanu (5) kuri zeru (0).
Mu bahungu Ikipe y'Ubucidikoni bwa Nyarugenge niyo nyegukanye igikombe
Ikipe y'abakobwa bo mu Bucidikoni bwa Shyogwe niyo yegukanye igikombe
Imikino yabanjirijwe n’ibiganiro ku kurwanya ibiyobyabwenge, inda ziterwa abangavu, n’icuruzwa ry’abantu. Mu baganirije urubyiruko rwari rwitabiriye iyo mikino harimo Nyiricyubahiro Musenyeri wa Diyoseze ya Shyogwe ; Umuyobozi w’Akarere ka Muhanga ; Umuyobozi wa Police wungirije ushinzwe ubukangurambaga mu Karere ka Muhanga, hamwe n’Umuyobozi wa RIB mu Karere ka Muhanga. Muri rusange byose byagenze neza.
Nyiricyubahiro Musenyeri wa Diyoseze Shyogwe yaganirije urubyiruko rwitabiriye iyi mikino
Mayor w'Akarere ka Muhanga
Umuyobozi wa Police wungirije mu Karere ka Muhanga atanga ikiganiro
Umuyobozi wa RIB i Muhanga atanga ikiganiro
ANDI MAFOTO
Add a comment