ABAKRISTO BA PARUWASI YA BUTANSINDA BASHIMIYE ACIDIKONI SEHORANA JOSEPH IMIRIMO BAKORANYE

Acidikoni Joseph yari amaze imyaka itatu n’igice ari umuyobozi wa Paruwasi ya Butansinda n’Ubucidikoni bwa Hanika.

Mu muhango wo kumusezeraho, Abakristo ba Paruwasi ya Butansinda bamushimiye ubwitange bwe ku murimo w’Imana n’imirimo itandukanye bafatanyije, harimo gutunganya icumbi ry’umuyobozi wa Paruwasi; gufunguza amakanisa yari yafunzwe mu gihe cya Covid-19; n’ibindi.

Umuhango wo gusezera ku muryango wa Acidikoni SEHORANA Joseph wahuriranye no kwakira Umuyobozi mushya wa Paruwasi ya Butansinda, Rev. KABAYIZA Louis Pasteur.

Mu ijambo rye, Acidikoni SEHORANA Joseph yashimiye Imana yabanye na we muri Paruwasi ya Butansinda. Yashimiye Abapasitori bakoranye muri iyo Paruwasi barimo Rev. Cyprien GASASIRA, Rev. KABAYIZA Louis, Rev. Claudine MUKAWERA n’abandi bayobozi mu nzego zitandukanye za Paruwasi hamwe n’abakristo bose muri rusange.

Muri uwo muhango abakristo bashyikirije Acidikoni impano zitandukanye bamushimira uburyo bafatanyije mu murimo w’Imana. Imana izabane n’umuryango wa Acidikoni Joseph muri Paruwasi ya Shyogwe no mu Bucidikoni bwa Shyogwe, hamwe n’Umuryango wa Rev. KABAYIZA Louis umusimbuye muri Paruwasi ya Butansinda.  

ABAKRISTO BA EAR PARUWASI BUTANSINDA BASHIMIYE ACIDIKONI SEHORANA JOSEPH IBIKORWA BAFATANYIJE